A partires do 3 de setembro estarán en funcionamento na provincia de Ourense cinco novos centros autorizados para a realización de cursos de recuperación de puntos e cursos de sensibilización tras delitos contra a seguridade vial en Ourense. Estarán ubicados en: Ourense, O Barco de Valdeorras, O Carballiño, Verín e Xinzo de Limia.
O subdelegado do Goberno en Ourense, Emilio Afonso, valora de maneira positiva estes novos centros e considera que “este tipo de recursos fortalecen a seguridade vial cidadá e fomentan a sensibilidade respecto ás posibles consecuencias ao voante de actos irresponsables”.
En concreto Afonso resalta o feito de que se leven a cabo os estudos pertinentes respecto ao elevado número de casos de distracción e siniestros motivados polo uso indebido dos dispositivos móbiles mentres se conduce. A este respecto cada vez son máis as autorizacións xudiciais que os responsables da seguridade vial solicitan, para estudar e determinar as causas de distraccións ao voante, e determinar se o uso do móbil está detrás do sinistro en cuestión.
