Galicia vén de rexistrar nas últimas horas sete novos falecementos de persoas diagnosticadas por coronavirus, cinco delas na provincia de Ourense, segundo comunica a Consellería de Sanidade. Trátase de dous homes de 76 anos (procedente da Residencia Val de Monterrei) e 88 anos que estaban ingresados no Hospital de Verín; dous homes de 70 e 96 anos (éste último procendente da Residencia Os Gozos de Pereiro de Aguiar) que estaban ingresados no Complexo Hospitalario Universitario de Ourense e dun home de 89 anos que faleceu na Residencia Val de Monterrei. Todos eles presentaban patoloxias previas.
Ademais perdían a vida un home de 82 anos que estaba ingresado no Complexo Hospitalario Universitario de Santiago e un home de 62 anos que estaba ingresado no Complexo Hospitalario de Pontevedra. Ambos tiñan patoloxías previas.
