O Concello ten organizado un amplo programa de actividades que se desenvolverá ao longo do mes de marzo
Con motivo da conmemoración do “DÍA INTERNACIONAL DA MULLER”, o 8 de marzo, o Centro de Información á Muller e o Concello de Viana do Bolo teñen programadas unha serie de actividades pensadas para todas as idades co “obxectivo de concienciar e sensibilizar á veciñanza sobre a importancia de promover e acadar a igualdade real”.
Un dos principais obxectivos das actividades que se propoñe, destacan os seus promotores, “é o de promover a igualdade e previr o machismo dende a educación dos/as nenos/as e mozos/as, e por iso moitas das actividades están destinadas ao alumnado dos centros de ensino”.
Entre as propostas haberá cinema, contacontos, obradoiros infantís e ata un monólogo con tono humorístico da man de Isabel Risco.
