EconomíaEconomíaÚltima hora

Clausúrase na Gudiña o obradoiro de emprego “Terras da Castaña”

Os 20 participantes formáronse nas especialidades de conservación e mellora de montes e albanelería de fábricas e cubertas
Entrega de diplomas no Concello da Gudiña.

Un total de 20 alumnos formáronse nos últimos 9 meses, ao tempo que accederon a un posto de traballo, en actividades auxiliares en conservación e mellora de montes e en albanelería de fábrica e cubertas, grazas ao obradoiro de emprego Terras da Castaña que promoveu a Consellería de Economía, Emprego e Industria en colaboración co concello da Gudiña.

Un curso que se clausuraba na mañá do 6 de agosto, co acto de entrega de diplomas no que participaban a delegada territorial da Xunta en Ourense, Marisol Díaz Mouteira, e os  representantes dos concellos participantes, José María Lago, Francisco Veiga e Martín Guerra.

No acto, Díaz Mouteira puxo en valor esta iniciativa de formación e emprego que, segundo apuntou, “incrementan a inserción no mercado de traballo dos seus participantes”. Ao fío, lembru que os obradoiros permiten, ademais, aos participantes, recibir un certificado de profesionalidade con validez en todo o Estado.

 

Asistentes ao acto de clausura do obradoiro de emprego.

 

Este tipo de programas mixtos de formación e emprego céntranse na realización de obras ou prestación de servizos de interese xeral e social que posibilitan un traballo que, xunto coa formación profesional para o emprego, procura a cualificación profesional e favorece a posterior inserción laboral das persoas desempregadas que o realizan. Tamén posibilitan que os participantes ademais de recibir formación tamén perciban o salario mínimo interprofesional.

Os 20 alumnos que hoxe remataron o obradoiro realizaron labores de mellora silvícola, ambientais e forestais en distintas áreas de lecer e montes así como traballos de albanelería en espazos pertencentes aos concellos participantes.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close