EconomíaEconomíaGalerías de fotosÚltima hora

Clausúrase na Veiga o obradoiro de emprego “Concellos Rurais de Valdeorras II”

Unha vintena de alumnos participaron no curso que durou nove meses

Despois de nove meses, o obradoiro de emprego “Concellos Rurais de Valdeorras II”, na especialidade de Actividades Auxiliares en Conservación e Mellora de Montes chegaba ao seu fin, cun acto de clausura celebrado na mañá do 6 de setembro na Sala de Conferencias do Toural, na Veiga.

Ao acto acudiu o xefe territorial da Consellería de Industria, Traballo e Benestar, Santiago Álvarez, así como os alcaldes dos concellos participantes: Juan Anta da Veiga; Manuel Corzo do Bolo; Joaquín Prieto de Larouco; Mari Carmen González de Carballeda de Valdeorras e Ricardo Soto, ADL do Concello de Rubiá.

Antes da clausura, na que se anunciou a concesión, cos mesmos concellos participantes, dun novo obradoiro de emprego para o ano 2018/2019, cada representante entregou os diplomas acadados nos diferentes ciclos formativos aos 20 alumnos así como o Certificado de profesionalidade, que lles abre as portas ao mundo laboral na categoría de peón forestal.

Entre as obras realizadas neste tempo están o acondicionamento da praia fluvial dos Franceses, na Veiga; o adoquinado da praza de Fornelos, no Bolo; a mellora da contorna das piscinas e zonas verdes, en Larouco; a mellora ambiental das marxes do río Sil o seu paso por Sobradelo, en Carballeda de Valdeorras; e a mellora das piscinas e limpeza da Vía Nova, en Rubiá.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close