DeportesÚltima hora

O Club Voleibol Ourense abre unha escola de iniciación para rapaces de 7 a 11 anos

Os adestramentos serán os mércores e venres en horario de tarde no pavillón da Casa da Xuventude e arrancan a partires de setembro
Os adestradores do equipo irán polas escolas da cidade para promover esta iniciativa.

O Club Voleibol Ourense organiza unha escola deportiva de voleibol para rapaces denominada “Escuela Pequevoley espazo xove”. Esta actividade desenvolverase todos os mércores e venres do ano a partir de setembro no pavillón da Casa da Xuventude (Espazo Xove na rúa Celso Emilio Ferreiro) en horario de tarde.

Esta escola está destinada, aseguran dende o club, “a captar a todos aqueles rapaces dos centros de Educación Primaria da cidade comprendidas entre os 7 e os 11 anos aos que lles guste o deporte, desexen desenvolver unha actividade en equipo e, sobre todo, divertirse xogando ao voleibol”.

Durante os meses de setembro e outubro, unha vez iniciado este curso escolar, técnicos e adestradores do Club Voleibol Ourense irán por varios centros educativos da cidade para informar aos responsables e coordinadores de educación física de cada un deles da existencia da escola de voleibol e deixarán follas informativas para repartir entre os nenos do centro. Posteriormente, volverán aos centros para ofrecer unha charla con soporte audiovisual para os rapaces e pais interesados.

Pequevoley é un programa educativo da Real Federación Española de Voleibol (RFEVB) cuxo fin é que os escolares coñezan o voleibol, por medio da práctica do “Minivoley”, permitindo que se inicien as técnicas propias deste xogo. O “Pequevoley” está integrado no  Programa Nacional de Promoción e Axuda ao Deporte Escolar e o Consello Superior de Deportes.

Esta escola foi presentada hoxe, 12 de setembro, polo Delegado da Secretaría Xeral para o Deporte, Mario Guede, o Coordinador da canteira do Club Voleibol Ourense, José Vicente González, e o Conselleiro Delegado de Juguettos Ourense, Manuel Lorenzo Requera.

Os cursos servirán para captar novos talentos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close