Co III Viñotapeo as adegas tomarán as rúas de Quereño o 3 de xuño

Degustacións de viño, pinchos e moita música. Ultímanse os preparativos do II Viñotapeo de Quereño (Rubiá), que se celebrará na tarde do 3 de xuño. A partires das oito da tarde un total de dez adegas ofrecerán pinchos diferentes e suculentos, acompañados de viño (branco e tinto) da zona. Ademais o ambiente estará animado por unha charanga.

A entrada poderá mercarse no inicio do percorrido a un prezo de 8 euros e con ela os participantes recibirán unha taza e un obsequio, ademais de poder visitar as adegas. A celebración concluirá en torno á medianoite na pista polideportiva da Casa da Cultura de Quereño, onde se servirán doces e cafés. Tamén alí se instalará unha pantalla xigante para poder seguir a final da Champions.