En portadaGalerías de fotosÚltima hora

Coa procesión do Encontro conclúe a Semana Santa do Barco

As imaxes da Virxe e do Resucitado xuntábanse no Porto da Barca

Numerosas persoas asistían no mediodía do Domingo de Pascua á procesión do Encontro no Barco. Ía encabezada polas imaxes da Virxe e de Cristo resucitado que partían á vez dende a igrexa de San Mauro, sen embargo, seguían traxectos diferentes. A figura da Virxe, acompañada polas mulleres, baixaba pola rúa de San Mauro, mentres que a de Cristo era levada polos homes e pasaba polas rúas Eloi Mira, Marcelino Suárez, Álvaro Cunqueiro e Pérez Lista ata chegar ao Porto da Barca.

Nese punto emblemático do casco antigo barquense tiña lugar o encontro. A Virxe mudaba o seu manto de loito por un branco, e as dúas figuras continuaban xuntas ata a igrexa de Santa Rita, onde se celebraba a misa de Resurrección. Este acto poñía fin ao programa de cultos da Semana Santa no Barco.

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close