ConcellosÚltima hora

A comarca da Limia rexistra unha tendencia á baixa nas infraccións penais en 2017

As estatísticas tamén reflicten esa baixa no número de delictos contra o patrimonio pero un aumento das infraccións administrativas
Roberto Castro e Manuel López co-presidiron a sesión.

O Concello de Xinzo de Limia acolleu hoxe, 22 de xaneiro, a reunión da Xunta Local de Seguridade, co-presidida polo subdelegado do Goberno en Ourense, Roberto Castro, e o Tenente de Alcalde do concello, Manuel López, a na que participaron membros dos Corpos e Forzas de Seguridade do Estado e a Policía Local.

Previa aprobación da acta da Xunta de Seguridade do 15 de febreiro de 2017, os representantes das diferentes Forzas e Corpos de Seguridade e Policía Local deron conta dos informes en materia de seguridade que afecta aos concellos de Xinzo de Limia, Os Blancos, Porqueira, Rairiz de Veiga, Sandiás e Vilar de Santos.

Segundo os datos aportados, as estatísticas indican “unha tendencia á baixa” das infraccións penais rexistradas na comarca de Xinzo en 2017 con respecto ao ano anterior, así como tamén o número de delitos contra o patrimonio. Tamén destacaron o descenso das infraccións penais sen delitos contra a seguridade viaria , e pola contra aumentan as infraccións administrativas “de xeito considerable”, indicaron.

Tras a avaliación dos datos estatísticos, na xuntanza tamén abordaron o dispositivo de seguridade que se vai pór en marcha nas Festas do Entroido; que se concretou cunha planificación detallada de efectivos e medios, debidamente coordinados para que as actividades programadas dentro destas celebracións se desenvolvan como normalidade.

Na xuntanza estiveron presentes diferentes membros das Forzas e Corpos de Seguridade do Estado e da Policía Local de Xinzo.

Neste eido, Roberto Castro eloxiou “o magnífico traballo que exercen as Forzas e Corpos de Seguridade en sintonía coa Policía Local”, pero precisou que “estes bos resultados non nos deben levar a ser conformistas no noso esforzo a prol da defensa dos dereitos e liberdades dos cidadáns”.

Con respecto ao Entroido, o subdelegado do Goberno, agarda que esta celebración “importante para Xinzo e a súa comarca” siga a servir  de exemplo “de comportamento festivo cívico e cordial, entre todos os veciños e o gran número de visitantes que veñen de fóra”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close