ConcellosÚltima hora

Combate entre mouros e cristiáns en Rairiz de Veiga

A tradicional Romaría da Saínza celébrase esta fin de semana cun completo programa de actividades
Un momento da batalla entre mouros e cristiáns no campo da Saínza./ Foto: Carlos G. Hervella.
Un momento da batalla entre mouros e cristiáns no campo da Saínza./ Foto: Carlos G. Hervella.

Un ano máis, no Concello de Rairiz de Veiga téñeno todo preparado para acoller do 23 ao 25 de setembro a Romaría da Saínza. Unha celebración que rememora parte da súa tradición, co combate entre mouros e cristiáns, no que os veciños, ataviados cos traxes representativos daquela época, dan vida a unha histórica celebración da zona, que reúne a miles de visitantes.

A presentación desta festa, mestura  historia e tradición que se vén recreando desde o ano 1840, tiña lugar na mañá do 22 de setembro no Pazo Provincial, por parte do vicepresidente da Deputación de Ourense, Rosendo Fernández; da alcaldesa do Concello de Rairiz de Veiga, Asunción Morgade; e do membro da asociación “Amigos da Saínza”, Jose Antonio Cao.

Segundo adiantou Jose Antonio Cao, o programa de actividades arranca mañá, venres 23 de setembro pola mañá, cunha tirada de bombas de palenque. Pola tarde, ás 17:30 horas, os máis cativos poderán gozar no campo da festa dos xogos populares e da representación do combate de mouros e cristiáns con títeres. E xa pola noite, será a quenda para a música que  correrá por conta da orquestra Galilea. A partires das 3 da madrugada, comezará o XI Festival Noite Moura co grupo Ménage á Trois.

Rosendo Fernández, Asunción Morgade e José Antonio Cao na presentación da Romaría da Saínza.
Rosendo Fernández, Asunción Morgade e José Antonio Cao na presentación da Romaría da Saínza.

Ao día seguinte, o sábado 24 de setembro ás 12:30 horas, terá lugar o por primeira vez un mercado específico de artesanía que estará aberto durante toda a tarde. Ás 20 horas, os máis cativos poderán deleitarse no Campo do Castelo coa V edición de “O meu primer combate de mouros e cristiáns”. Ese día será a orquestra Royal a encargada de amenizar a xornada a partir das 22 horas, para posteriormente, celebrar o “Asalto ao Castelo” por parte dos Mouros. A media noite será a gran tirada de fogos artificiais e despois, continuará a música, con Royal e o XI Festival Noite Moura da man do grupo Derroche.

Por último, o domingo 25 de setembro, as actividades comenzarán cedo, ás 9 horas coa traca de bombas de palenque. O pasarrúas a cargo da Escola de Gaitas da Deputación e a procesión, desde a Igrexa de Rairiz de Veiga ata o Castelo da Saínza, será ás 12 horas e, trala da misa celebrada no campo de batalla, en torno ás 13 horas, será a quenda para o emblemático “Combate de mouros e cristiáns” no que participan unhas 80 persoas. A música nesta ocasión correrá a cargo da charanga XL e da orquestra París de Noia.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close