Algueira, adega situada no municipio de Sober na subzona de Amandi (Luga), abría a campaña en parcelas determinadas
Coincidindo no tempo con Valdeorras, unha adega da Ribeira Sacra inicia neste 11 de setembro a vendima nesta denominación. Trátase, segundo notificaba o seu consello regulador, de Adega Algueira, situada no municipio de Sober na subzona de Amandi.
“Esta adega comezará coa recollida en parcelas determinadas, nas que o estado da uva é óptimo para a súa recollida”, segundo o CRDO Ribeira Sacra. Os técnicos deste consello regulador levan dúas semanas efectuando os controis de maduración en parcelas representativas das cinco subzonas da denominación. “Os resultados destes controis axudarán a establecer unha data oficial para o inicio xeralizado da campaña de vendima 2018 no territorio da denominación de orixe”, segundo o consello.