Na mañá do 12 de novembro, comezaban as obras de remodelación da praza Galicia, na Rúa cunha subvención de Vicepresidencia que ronda os 50.000 euros. Tal como explica o alcalde, o popular Avelino García Ferradal, trátase da primeira fase da obra, con prazo de execución ata o 15 de decembro, na que se materá a estrutura da praza “e farase un parque infantil e unha zona para os maiores”, ampliando a praza e eliminando a rotonda de forma que a zona da dereita “quedará como peatonal, con acceso a garaxes, mentres que o outro lado será de dobre sentido”, explica García Ferradal, asegurando que “respectaranse as árbores. Houbo que quitar dous pero volveranse replantar e os bancos poñeranse novos”.
A segunda fase da remodelación, que aínda está sen adxudicar, afectará ás beirarrúas e ao vial. Unha obra que se complementará co paso subterraneo de Renfe de acceso á zona do Aguillón, que se comezará cara o mes de xaneiro de 2015.
O vindeiro luns 17 de novembro comezarase outra remodelación, desta volta en Fontei, cunha subvención da Consellería de Industria.