Á mañá deste luns, 24 de agosto, comezaba a vendima en Valdeorrás. Godeval foi a primeira adega en facelo sendo este o seu comezo máis temperán dende o ano 2015, cando iniciaron a tempada o 25 de agosto. A colleita comezou tras varias xornadas de controles de maduración e deu comezo na finca Pancho. Está previsto que durante 10 días recolecten preto de 150.000 kilos nunhas 24 hectáreas de viñedo propio.
Valdesil tiña previsto iniciar hoxe a súa colleita pero debido a un cambio de última hora, retrasouse a mañá, 25 de agosto. Ese mesmo día tamén comezarán a vendima as adegas Roandi, de Éntoma; A Coroa, da Rúa e María Teresa Núñez, de Petín.
