En portada

Comeza a rodaxe da nova película do valdeorrés Ignacio Vilar en Sabucedo

Titularase “SICIXIA” e do seu elenco de actores forman parte Monti Castiñeiras, Marta Lado e Tamara Canosa
O director do filme, Ignacio Vilar, durante un momento do inicio da rodaxe no curro de Sabucedo./ Foto: Sindo Novoa.
O director do filme, Ignacio Vilar, durante un momento do inicio da rodaxe no curro de Sabucedo./ Foto: Sindo Novoa.

Na tradicional Rapa das Bestas no curro de Sabucedo (A Estrada, Pontevedra) principiaba a rodaxe do que será a nova longametraxe do director valdeorrés Ignacio Vilar. Levará por título “SICIXIA” e estará protagonizada por Monti Castiñeiras, Marta Lado e Tamara Canosa.

Segundo se adianta, trátase dunha “historia para escoitar a vida na Costa da Morte”. De aí a escolla do curro e do ritual da rapa, xa que un dos protagonistas deste filme será esta zona costeira a través das súas paisaxes, as súas tradicións, a súa xente… A rapa das bestas “pola súa forza e carácter salvaxe serve de prólogo a unha historia de amor e desamor na Costa da Morte”, segundo explican dende Via Láctea Filmes.

O equipo desenvolvía esta primeira fase da rodaxe entre os días 3 e 6 de xullo. Tomaban imaxes tanto de actuacións como a da agrupación folclórica Tequexeteldere, como da rapa das bestas, contando con cámaras entre o público e na parte inferior do propio curro, no que se chegan a introducir entre 300 e 400 cabalos.

Os cámaras do equipo de Vilar tomando imaxes da actuación da agrupación folclórica Tequexeteldere./ Foto: Sindo Novoa.
Os cámaras do equipo de Vilar tomando imaxes da actuación da agrupación folclórica Tequexeteldere./ Foto: Sindo Novoa.

O acto da rapa, que comeza co acurramento dunha parte das bestas, non consiste só en cortar as crinas, senón que inclúe a previa aloita corpo a corpo (home-besta) e a inmobilización do animal. Os aloitadores collen un cabalo e loitan co el (dous van á cabeza e un ao rabo), nun ritual herdado de xeración en xeración e no que unicamente empregan a súa forza.

No curro de Sabucedo chegan a xuntarse entre 300 e 400 cabalos./ Foto: Sindo Novoa.
No curro de Sabucedo chegan a xuntarse entre 300 e 400 cabalos./ Foto: Sindo Novoa.
Os aloitadores loitando cun dos cabalos neste antergo ritual. /Foto: Sindo Novoa.
Os aloitadores loitando cun dos cabalos neste antergo ritual. /Foto: Sindo Novoa.

A rodaxe deste proxecto prolongarase ata abril de 2016. Nel empregarase o cinema dixital, o que lle permitirá ao director “experimentar con fórmulas narrativas innovadoras para que as nosas historias sigan a cautivar espectadores dentro e fóra das nosas fronteiras”.

Texto: A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close