ConcellosÚltima hora

Comezan as obras da estación de autobuses do Barco

Centrarase en traballos nas instalacións e nos sistemas de información
Entrada á estación de autobuses do Barco./ Foto: Carlos G. Hervella.
Entrada á estación de autobuses do Barco./ Foto: Carlos G. Hervella.

As obras de mellora da accesibilidade, das instalacións e sistemas de información na estación de autobuses do Barco comezarán o 20 de agosto. Así o vén de anunciar a Consellería de Medio Ambiente, Territorio e Infraestruturas.

Esta intervención está enmarcada no Plan Renove de estacións de autobuses para 2013-2016 e centrarase na estación barquense en traballos nas instalacións e nos sistemas de información. Tamén se repararán as baixantes e acometidas á rede de pluviais, as humidades existentes nos paramentos mediante lixado, pasteado e pintado das zonas afectadas e se limpará a rede de saneamento da dársena e do edificio. Ademais executarase a reparación do rótulo electrónico informativo na zona da dársena e colocarase un monitor informativo na zona da dársena, segundo se informa dende a consellería.

Esta actuación, xunto coas que se levarán a cabo na estación de Xinzo de Limia, prolongaranse por un período de dous meses e investiranse máis de 25.000 euros. No caso da estación de Xinzo, cuxos traballos se desenvolverán a continuación, potenciaráns os accesos para aquelas persoas con mobilidade reducida, a través do pintado de prazas de aparcamento no exterior da estación e a colocación da correspondente sinal informativa. Ademais melloraranse os pasos de peóns remarcando o seu trazado e poñendo dúas sinais.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close