O Auditorio Municipal de O Carballiño acollerá este domingo 15 de maio a representación do espectáculo ‘Moito Conto’, da compañía Redrum Teatro. Será nunha única función programada para as 12:00 horas.
Trátase dunha peza teatral dirixida aos máis cativos que transforma o coñecido conto de Hansel&Gretel nunha versión musical dirixida polo lalinense Alex Sampayo. A compañía compostelá estrenou este espectáculo no 2011 e agora chega ao Concello do Carballiño entre éxito e boa crítica.
Vai dirixido a público esencialmente familiar a partir dos cinco anos e as entradas, a un prezo de cinco euros, poden adquirirse no propio auditorio dende unha hora antes do comezo da obra.
