Todo quedou nun susto. A rápida intervención do persoal da residencia da terceira idade Nosa Señora de Fátima no Barco impedía que un conato de incendio, que se producía nun radiador da planta baixa deste centro na mañá do 2 de novembro, fose a máis. Era este mesmo persoal quen sofocaba o lume, pero tamén tomaba a precaución de chamar aos bombeiros. Non foi necesario desaloxar aos residentes.
Ademais dos Bombeiros do Parque Comarcal de Valdeorras, ao lugar acudía o GES do Barco e a Policía Local do Barco.