ConcellosÚltima hora

O Concello da Rúa aproba unha ordenanza para regular a ventilación e evacuación de fumes en edificios

A proposta foi aprobada por unanimidade polo Pleno municipal

Por unanimidade era aprobada a ordenanza municipal da ventilacion e evacuación de fumes en edificios e actividades do Concello da Rúa, presentada polo equipo de goberno na sesión plenaria celebrada na tarde do 8 de xaneiro. Segundo o texto que estivo a exposición pública, o novo regulamento municipal persigue “evitar a contaminación atmosférica e o prexuízo que ocasione ás persoas ou bens de calquera natureza”, e regulará todas as actividades, situacións e instalacións susceptibles de producir fumes, pos, gases, vapores e olores. Foi elaborado polo servizo técnico e cubrirá un baleiro á hora de conceder licenzas para instalar unha caldeira ou sacar os fumes a través das fachadas.

Tamén foi aprobada por unanimidade a modificación de ordenanzas (IBI, IAE; ICIO, taxas de servizos urbanísticos e apertura de establecementos) para poder adherirse ao convenio asinado pola Fegamp e a Xunta para a captación de empresas que poderán beneficiarse de bonificacións (do 50 % se xeran ata 10 postos de traballo, do 75 % para as que creen entre 10 e 20, e do 95 % para as que superen la vintena).

Outro punto no que estiveron dacordo o equipo de goberno e a oposición, foi a adhesión da Rúa á Asociación de Camiños de Inverno a Santiago creada en decembro en Ponferrada; pero non foi así coa moción do PSdeG-PESOE sobre a avespa velutina defendida polo propio alcalde da Rúa, Luis Fernández, que contou cos votos a favor do PSOE e do BNG e en contra do PP.

“A situación provocada nos últimos anos polo asentamento definitivo da avespa velutina en Galicia está a coller uns niveis alarmantes que afectan de xeito notable ás expectativas da fauna local, froitos e principalmente, da poboación de abellas melíferas”, explicou o alcalde, asegurando que “é un feito que estamos expostos a que se instale na nosa comarca nun prazo de dous ou tres anos, polo que hai que concienciarse do que é unha praga destas características”. Por iso, instan ao Goberno galego a “comezar o trampeo a tempo; afrontar o custe da compra de 50.000 trampas máis o atraínte necesario para que o mecanismo sexa efectivo; facer unha campaña informativa e divulgativa de como utilizar os medios para a erradicación deste insecto; establecer quen debe colocar as trampas para un trampeo masivo; dotar unha partida orzamentaria suficiente para afondar na investigación; establecer axudas directas para facerlle fronte aos danos; e a abrir a comisión de seguimento aos representantes do sector apícola”.

Fotos: Mónica G. Bellver.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close