EconomíaEconomíaGalerías de fotosÚltima hora

O Concello da Veiga consolídase como punto de encontro astronómico

Medio cento de expertos e afeccionados asisten ás IV Xornadas de Astroturismo, Astrotrevinca 2017

A enerxía escura, os eclipses ou a contaminación lumínica, son algúns dos temas sobre os que xiran a IV edición de Astrotrevinca, unhas xornadas de astroturismo que buscan poñer en valor o ceo a a paisaxe do Concello da Veiga, máis concretamente dos montes de Trevinca.

A actividade, que conta con medio cento de inscritos (expertos e afeccionados á astronomía de diferentes puntos de Galicia, Madrid e León) comezaba na noite do venres 22 de setembro cunha observación dende o Mirador Astronómico de As Tablillas, pero non foi ata a mañá do sábado día 23, cando se inauguraban oficialmente, no salón de actos do Toural. No acto de apertura, o director de Astrotrevinca, Óscar Blanco, asegurou que “temos que poñer á Veiga máis arriba, como un punto de referencia da astronomía, non só en Galicia senón támen fóra porque se dan as condicións para que neste lugar poda fomentarse este tema”.

O alcalde da Veiga, Juan Anta, pola súa banda, deu a benvida aos asistentes ao “teito de Galicia, un dos mellores ceos do mundo”, explicando que non foi doado convencer á xente de que o turismo astronómico podía ser non só unha das referencias a nivel provincial ou atonómico senón nacional, “explicarlles que podiamos vivir disto cando para eles o ceo sempre estivo aí e a única vez que miraban para el era cando nevaba ou chovía”, dixo. Agora, coas xornadas de Astrotrevinca xa consolidadas, Anta segue mantendo que “cremos neste turismo porque vos credes nel e sodes os mellores comunicadores. Sen vos isto non será unha referencia a nivel nacional que é o que queremos e esiximos ás Administracións porque cremos que é o que merecemos”. O acalde lembrou que nos últimos anos fixeron dous miradores e “faremos un máis”, dando as grazas aos organizadores, Óscar Blanco e Pablo Canedo “porque sempre están aí para o que necesitamos e sen eles nada disto sería posible”.

Con respecto ás conferencias desta edición son do máis variado e comezaron da man de Ramón Iglesias Marzoa (CEFCA-Centro de Estudios de Física del Cosmos de Aragón), que falou do proxecto do que forma parte sobre o estudo da enerxía escura no Observatorio Astrofísico de Javalambre en Teruel, o máis moderno de España. Dun xeito ameno e entretido, Iglesias Marzoa comezou facendo un pouco de historia sobre a orixe do termo “materia escura”  (masa do universo que  non se vei) e acabou explicando o obxectivo do observatorio no que traballa: medir 200 millóns de galaxias nun tempo razoabale (7 anos) para obter información sobre a “enerxía escura” para o cal contan cunhas infraestruturas e material de primeiro nivel. “As galaxias máis afastadas móvense a maior velocidade do previsto por iso se sabe que ten que haber algo que se chama enerxía escura pero que realmente non se sabe que é”, dixo a modo de conclusión.

A segunda conferencia da mañá, da man de Óscar Blanco, xirou en torno aos eclipses, dende o último que observaron recentemente dende EE.UU. ata o último total de sol da Península Ibérica que se pudo ver dende A Veiga en 1912.

A xornada continúa pola tarde, cunha coferencia sobre o clima e o tempo. “Non é un tema moi astronómico, pero si interesante porque é falar da atmósfera da Terra e por tanto dun planeta do Sistema Solar, o máis importante”, dixo Blanco. O conferenciante será Xavier Fonseca, e de seguido tocaralle o turno a Salvador Bará (USC) que falará “sobre a contaminación lumínica, o principal problema que teñen os afeccionados á astronomía, e como protexer os ceos escuros dela. “Contra as nubes non podemos facer nada pero contra a contaminación si”, explicou o director de Astrotrevinca, o encargado da última charla que máis ven será un visionado de postais e imaxes “e contar experiencias sobre distintos ceos do mundo”.

Esta edición de Astrotrevinca inclúe ademais outras dúas observacións: a segunda nocturna esta noite; e unha solar con telescopio H-Alfa.

Fotos: Mónica G. Bellver.

 

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close