O Concello de Ourense vén de conceder licencia de apertura ao novo Hospital, que conta con 52.000 metros cadrados de superficie sanitaria, logo dun investimento de 41 millóns de euros e gañará 116 camas máis, chegando así ás 930 camas totais.
O concelleiro de Urbanismo, José Cudeiro, asinou esta mañá o decreto que concede dita licencia logo de verificar todos os informes técnicos e xurídicos positivos que así a avalan.
“O Goberno Municipal adoptou a decisión coa maior celeridade e seguridade xurídica para que o novo Hospital de Ourense, referente na Sanidade de toda Galicia, abra con todas as garantías”, aseguran fontes consistoriais.
Máis información sobre o traslado de pacientes na seguinte ligazón:
O CHUO iniciará a vindeira semana o traslado de pacientes ao novo edificio de Hospitalización