En torno a unhas 60 persoas se daban cita na mañá do 4 de agosto, diante de Facenda, no Barco, para participar na concentración convocada pola Plataforma de Emigrantes Retornados.
Nela leuse a nota de prensa da Coordinadora de Emigrantes Retornados, na que “parabenizabámonos da retirada das multas despois das nosas mobilizacións”, pero consideran que non soluciona o problema. “Para iso” din “esiximos a modificación da lei 35/2006, para que se trate xustamente os/as emigrantes”.
Dende a Plataforma tamén solicitan “que non teña un carácter retroactivo, é dicir, que afecte aos ingresos a partir do 2014, non antes”. Do mesmo xeito, piden que se informe individualmente a cada un de se debe ou non incluír nas declaracións os ingresos procedentes do estranxeiro.