Tamén Petín amosaba unha vez máis a súa solidariedade contra calquera tipo de violencia e na tarde deste luns 5 de xullo, a praza Doutor Quiroga acollía unha concentración para rexeitar o asasinato de Samuel, o xove que o pasado sábado ás 3 da madrugada era mortalmente agredido en pleno centro da Coruña.
E igual que fixera na concentración pola morte das cativas asasinadas polo seu pai, era a escritora Mencía Yano quen pronunciou unhas palabras de rexeitamento e condolencias para coa familia do mozo. “Non hai peros ante esta violencia mortal que creba a nosa idea de liberdade, de convivencia e de diversidade. Hoxeo país chora por Samuel e pide saber que pasou. Non podemos calarnos, nunca, ante quen alimenta o odio e quen o executa”, dixo dando paso ao minuto de silencio que terminou cun sonoro aplauso.
Fotos cedidas.
