Tamén nalgúns dos centros de saúde do oriente ourensán, como é o caso do de Viana do Bolo, se rexistraban concentracións en defensa da continuidade da área sanitaria de Valdeorras e contra o anteproxecto da Lei de Saúde de Galicia, que prevé a súa supresión.
Na vila vianesa, ás portas do centro de saúde concentrábanse persoal sanitario, algún concelleiro e veciños da vila.
