Concentración veciñal ante o Centro de Saúde Rubiá para pedir “a restitución da segunda praza de médico”

Un cento de persoas participaban neste acto reivindicativo, celebrado na tarde do 4 de maio, que continuará o primeiro sábado de cada mes mentres non se lle dea resposta a esta demanda

A mediados de abril os veciños de Rubiá acordaban nunha asemblea realizar cada primeiro sábado de mes unha concentración xunto ao Centro de Saúde desta localidade co fin “de manifestar a súa disconformidade e malestar coa postura que mantén dende fai 6 meses o SERGAS, de non restituir” a segunda praza de médico neste concello.

A primeira destas concentracións, convocada pola Plataforma Rural en Extinción, tiña lugar na tarde do sábado 4 de maio coa participación dun cento de persoas. Os convocantes consideran moi positiva esta participación “por parte dos veciños que acudiron á xuntanza”, e agradeceron a súa presenza, ademais de amosar a “vontade de seguir loitando por recuperar o servizo eliminado”.

A intención da plataforma é continuar coas concentracións no Centro de Saude o primeiro sábado de cada mes “mentres non se restitúa a praza do médico”, seguindo o acordo tomado na asemblea. Con este tipo de iniciativas a plataforma tamén pretende “poñer o foco na perda de servizos no rural galego”.

Fotos cedidas polos convocantes.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies