O coro infantil de Trives actuou convidado pola Asociación Cultural O Mosteiro
Un ano máis o coro de voces brancas Coraliña Cantora de Trives amenizaba, coas súas doces melodías, o Nadal en Vilanova (O Barco de Valdeorras).
Convidados pola Asociación Cultural O Mosteiro, os cativos dirixidos por Sandra González protagonizaban na tarde do 28 de decembro, o concerto de Nadal na igrexa de Santa María para despedir musicalmente o ano.
Trala actuación, con temas como Dodili, Keshet l’vana, Siempre ou Kusimama, os cativos desfrutaban dunha merenda na que non faltaron lambetadas, por xentileza da asociación cultural.
Fotos cedidas.
