CulturaCulturaGalerías de fotosMúsicaÚltima hora

Concerto das bandas de gaitas Os Trintas e Devalar na primeira xornada da XLVI Festa da Bica de Trives

A música, a cultura e a gastronomía brillaron durante todo o día nesta vila

O primeiro día da Festa da Bica estivo cheo de actividades. Así, ademais da bica, a música e a cultura estiveron moi presentes nesta xornada de 27 de xullo.

A primeira actividade tiña lugar pola mañá: foi a Mostra-Desfile de bandas de gaitas polas rúas de Trives. Nel actuaron as Bandas de Gaitas Toxos e Xestas de Barcelona, Os Trintas de Trives e a Real Xuvenil. Ao rematar, a encargada de dar o pregón da Festa da Bica 2019 foi Victoria Alonso, da Confitería Luciano.

 

 

Xa pola tarde, ás 20:00 horas tiña lugar na Casa da Cultura o concerto da Banda de Gaitas Os Trintas en colaboración coa Banda de Gaitas Devalar do Concello de Amoeiro. Ámba-las dúas bandas están dirixidas por Santiago Mera.

Este concerto, que xa é un clásico da Festa da Bica, constou dun repertorio variado dende pasodoble galego ata muiñeiras de Camposa ou Freixido. Esta banda componse de persoas de todas as idades, xa que o grupo de iniciación está composto de cativos dende seis a oito anos.

 

O plato forte deste día era a Cea da Festa da Bica, ás 22:00 horas, que debido ás previsións de tormenta, facíase en Santa Leonor. O menú consistiu en pulpo á feira, carne ao caldeiro, viño, licor café, e sobre todo bica. Así, esta celebración estivo amenizada pola Charanga Nova Terras de Trives.

Texto: Alba Prada.
Fotos: Carlos G. Hervella excepto a sétima da galería que é cedida.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close