Os dúos actuarán o venres ás 00:30h. e o sábado ás 2:00h. respectivamente
Como complemento á programación musical da Baco Festa que terá lugar esta fin de semana no Aguillón (A Rúa), O Refuxio programou dúas actuacións para o venres e o sábado.
Mañá, o dúo Carta de Ajuste traerá un disparatado espectáculo titulado O mellor e o peor dos 80 e 90 en concerto. Versións que fusionan música e humor buscando a interacción e a complicidade co público. Noite sen tregua e festa rachada asegurada con David Taboada e Iván Valdés.
O sábado 11 será o turno de Soul & Roll, outro dueto acústico composto neste caso por Miguel Araujo á guitarra e Tamara Pérez como voz solista, cun repertorio escollido coa intención de que o seu público se divirta e goce da música en directo. En canto a estilos, destacan o rock, o pop, o soul ou o blues (Police, U2, pop español dos 80, Bruno Mars, Bon Jovi,…).
O concerto de mañá será a partires das 00:30 horas e o do sábado xa de madrugada, pasadas as dúas da mañá.
