Ao longo do mes de marzo nos establecementos do Centro Comercial Aberto do Carballiño desenvolvíase a campaña “Máis que Comercio!” co obxectivo de impulsar as vendas e reforzar o comercio de proximidade. Os participantes nela escolleron como o seu establecemento favorito a Electrodomésticos Penín. Os seus responsables recibían o 7 de abril este recoñecemento de mans da directora xeral de Comercio, Sol Vázquez Abeal.
Durante o acto a directora xeral de Comercio salientaba que este programa busca poñer en valor o traballo dos centros comerciais aberto e que percorrerá Galicia durante todo o ano, desenvolvéndose cada mes nun centro comercial aberto. Con el preténdese resaltar os valores do comercio de proximidade, como son a calidade, o trato ao cliente ou a variedade.
