Arredor das 19h. deste luns 12 de abril finalizaba no pavillón polideportivo de Sobradelo un cribado de Covid-19, mediante probas PCR, ao que estaban convocados a partir das 15h. 600 persoas (entre 18 e 74 anos) do municipio de Carballeda de Valdeorras.
Do total dos citados realizaban a proba 441 persoas, o que supón un 73,5% de participación, tal e como informa a Consellería de Sanidade. Os resultados deste cribado coñeceranse mañá.
