Coa exposición de proxectos para poñer en valor as diferentes posibilidades do turismo do viño na comarca de Valdeorras concluía na tarde do 21 de xuño o curso “Creación, promoción e comercialización de produto enoturístico”, que dende o 11 de xuño se viña impartindo no Centro de Formación de AEVA no Barco.
Os vinte alumnos desta acción formativa expoñían ante os seus compañeiros e ante a docente, a sumiller Mercedes González, unha serie de interesantes propostas que poñían en relación o viño coa auga, coa música, coa fotografía, co deporte ou coa divulgación e o mundo museístico.
Fotos: A.R.
