CulturaCulturaGalerías de fotosMúsicaÚltima hora

Concurrido “Concerto de Outono” do Orfeón Valdeorrés no Barco

Nesta actuación, celebrada na tarde do 17 de novembro no Teatro Lauro Olmo, actuaban tamén os coros asturianos Xorrecer e San Pedro

Tarde de música coral no Barco. O escenario do Teatro Lauro Olmo da vila valdeorresa acollía na tarde do 18 de novembro o “Concerto de Outono” do Orfeón Valdeorrés, que nesta ocasión contaba con dúas agrupacións convidadas e procedentes de Asturias: o Coro “Xorrecer” de Valdesoto” e o Coro mixto “San Pedro” de Cudillero.

Numerosas persoas asistían a este evento que concluía coa actuación do Orfeón Valdeorrés, que dirixe José Ramón Mansilla, entre múltiples aplausos. De seguido, a presidenta desta entidade musical, Reme Arias, agradecía a presenza do público, así como o labor dos membros actuais do orfeón así como o de anteriores integrantes (algúns deles presentes no auditorio) e animaba á xente moza a incorporarse a el “somos unha gran familia”, dicía.

Pola súa banda, Mansilla emprazaba ao público ao seguinte concerto do Orfeón Valdeorrés, previsto no Nadal, así como ao de primavera. Finalmente, tiña lugar un intercambio de agasallos entre as formacións corais visitantes e a anfitriona.

Fotos: A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close