EconomíaEconomíaGalerías de fotosÚltima hora

Coñecer a velutina para poder loitar contra ela

O experto Lolo Andrade impartía no Bolo unha charla sobre esta praga e sobre como facerlle fronte

Unhas corenta persoas asistían na tarde do 9 de marzo a unha charla de máis de tres horas sobre a Vespa velutina ou vespa asiática organizada polo Concello do Bolo no colexio desta localidade. Estaba impartida polo experto e técnico de Protección Civil de Cambre, Lolo Andrade, quen amosou como é e se comporta este insecto invasor, o seu ciclo de vida, a tipoloxía dos seus niños, así como as medidas (entre elas o trampeo) para facerlle fronte e controlala, facendo ficanpé en que vai ser necesario aprender a convivir con ela.

Tamén lle daba unha serie de pautas aos apicultores sobre como actuar ante a velutina e como protexer os colmeares. As súas explicacións ían intercalándose con preguntas e dúbidas dos asistentes. Ademais apoiaba a súa exposición en diverso material: dende niños reais de diversos tamaños ata imaxes. Esta acción formativa ten sido organizada polo Concello do Bolo e por Protección Civil deste municipio.

Entre os asistentes había veciños e apicultores do municipio, así como doutros próximos como A Veiga e Viana do Bolo, e membros de Protección Civil do Bolo.

Fotos da galería: Carlos G. Hervella.

 

O docente e experto en velutina Lolo Andrade, con dous dos promotores da conferencia./ Foto cedida por PC do Bolo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close