O salón de actos do edificio multiusos do Barco acollía na tarde do 27 de novembro a charla-coloquio “A iniciativa parlamentaria a favor dunha morte digna en Galicia”. O acto abríase coa intervención do presidente do Colexio Oficial de Médicos de Ourense, José Luis Jiménez Martínez, que comezaba a súa intervención explicando o concepto de morte digna e as súas implicacións. Posteriormente, tomaban a palabra Ascensión Cambrón e Emili Irimia, membros de Dereito a Morrer Dignamente Galicia (DMD).