Case medio cento de persoas xuntáronse na confraría de Frei Canedo da Ponte, en Ourense, para celebrar o Xoves de Comadres e así dar comezo ao Entroido 2018.
No local da confraría xuntáronse practicamente todos os cofrades e, o requisito indispensable – obrigatorio- para poder acudir a esta festa é que os homes fosen vestidos de muller, tal e como marca a tradición. Fieis ao código de vestimenta, foron moitos os que sacaron o seu lado máis feminino para pasalo ben e gozar dunha velada entrañable que foi amenizada, posteriormente, co Dúo Ases.
Máis información sobre o Entroido de Frei Canedo da Ponte e outros entroidos de Ourense e Galicia na revista “Entroido en Galicia. Onde ir. Que Ver” que edita O SIL e que xa está á venda en distintos puntos da provincia e da comunidade.
Fotos: Carlos Asensio.
