Valoraba os caldos na mañá do 21 de marzo no Museo Etnográfico da vila
Tras ser recibidos polo alcalde quirogués na Casa do Concello, os membros da Confraría do Viño de Quiroga desfilaban polas rúa Real da vila na mañá do 21 de marzo, precedidos pola Banda de Gaitas “San Martiño”.
De seguido dirixíanse ata o Museo Etnográfico para catar os viños participantes na XXXIII Feira do Viño de Quiroga. Como todos os anos os viños inscritos para participar na Feira do Viño de Quiroga, despois das análises realizadas no laboratorio especializado, sométense a un proceso de cata para a súa aprobación definitiva, segundo se informa dende o Concello de Quiroga.
Ademais a partires das dúas da tarde tiña lugar o capítulo anual ordinario da Confraría do Viño de Quiroga.
