EconomíaEconomíaÚltima horaViticultura

A Confraría do Viño de Quiroga catará os brancos e tintos aspirantes a participar na XXXVI Feira desta vila

Membros da Confraría do Viño de Quiroga, nunha das casetas da pasada edición desta mostra./ Foto: Carlos G. Hervella.

O capítulo anual ordinario da Confraría do Viño de Quiroga terá lugar o vindeiro sábado día 17 de marzo, coincidindo coa cata dos viños aspirantes a participar na XXXVI Feira do Viño desta vila lucense.

O programa de actos desta xornada comezará ás 12:15 h: coa reunión dos confrades na Casa do Concello de Quiroga. Un cuarto de hora despois, terá lugar un desfile dos confrades dende a Casa do Concello ata a sala de catas do Museo Etnográfico de Quiroga.

A partir das 13h. darase paso á cata dos viños aspirantes á XXXVI Feira do Viño de Quiroga. E xa ás 14:00 h. virá o capítulo anual ordinario da Confraría do Viño de Quiroga coa seguinte orde do día: lectura e aprobación se procede da acta do anterior capítulo ordinario, informe do presidente, estado de contas da confraría e rogos e preguntas.

O encontro completarase ás 14:30 h: cun xantar de confraternidade.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close