ConcellosÚltima hora

Constitúese a Comisión Técnica Permanente de Protección Civil en Galicia

Nesta reunión homologánbanse, entre outros temas, os plans de actuación municipal da Peroxa ante o risco de rotura da presa de Os Peares e do concello de Vilariño de Conso ante o risco de rotura da presa de As Portas

Na mañá do 26 de marzo o Director Xeral de Emerxencias e Interior, Luis Menor, presidía a primeira reunión da Comisión Técnica Permanente de Protección Civil, na que se informaron favorablemente as revisións dos Plans de Emerxencia das presas de Caldas de Reis e de Meicende.

Ademais, homologáronse plans de actuación municipal do concello de A Peroxa ante o risco de rotura da presa de Os Peares e do concello de Vilariño de Conso ante o risco de rotura da presa de As Portas, os plan de actuación municipal para o risco de inundacións dos concellos de Riotorto, Pontenova, O Grove e Coirós, o plan de actuación municipal fronte ao risco de incendios forestais do concello de Chandrexa de Queixa e o Plan Local por Contaminación Mariña Accidental do concello de Muxía.

“O obxecto destes plans é planificar unha resposta municipal ante este tipo de emerxencias, de xeito que os respectivos concellos teñan un dispositivo permanente en función dos riscos detectados, unha estrutura de mando e uns procedementos de actuación, catalogación dos medios cos que conta o concello, co obxectivo de que as actuacións que se leven a cabo en caso de emerxencia non sexan froito da improvisación e que a resposta que se dea sexa a máis adecuada á incidencia acontecida”, segundo se informa dende a Xunta de Galicia.

Entre os temas que se presentaron, destacan as dúas guías que ven de elaborar e actualizar a Dirección xeral de Emerxencias e Interior para facilitar aos concellos a elaboración do Plan de Emerxencia Muncipal, PEMU, que é unha obriga para aqueles que teñen máis de 20.000 habitantes, e o Plan de Actuación Municipal para o risco de inundacións para aqueles concellos que da análise de risco se determinou tiñan a obriga, e que están recollidos no plan especial INUNGAL. Tamén se presentou unha aplicación móvil para información á poboación afectada en caso de activación dos plans de emerxencia das presas, con afección a grandes núcleos urbanos.

A Comisión Técnica Permanente de Protección Civil é un órgano de estudio e proposta dos temas que vaian a pasar a debate e aprobación pola Comisión Galega de Protección Civil, así como, a adopción de acordos en aquelas materias delegadas pola Comisión Galega de Protección Civil, entre outras, a homologación dos plans municipais.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close