Conta atrás para o IV Night Trail de Quiroga

A proba nocturna celebrarase mañá, 6 de xullo, a partir das 22:30 horas dende a praza España

Participantes na pasada edición do Night Trail de Quiroga entrando en meta. /Foto cedida.

Despois do éxito de participación da pasada edición con 350 inscritos, Quiroga apura os últimos retoques da IV carreira nocturna.

A partir das 22:30h. deste 6 de xullo darase a saída do Night Trail de Quiroga, unha competición con dous traxectos que se poderán facer correndo ou andando: un de 17 km con 835 m de desnivel e outro de 10 km con 345 m de desnivel, esta última “perfecta para todos os públicos, cun percorrido urbano e natural”, explican dende o Concello, organizador da proba. Dende a organización tamén advirten de que é obrigatorio o uso de frontal nas dúas distancias, sendo o 80% do percorrido por pistas e sendeiros, “evitando na medida do posible o asfalto”.

Como unha proba “diferente e espectacular” se presenta esta carreira que sairá dende a praza España incluíndo un gran ambiente (zumba, dj,…) e ata un post evento (comilona e dj).

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies