A vila do Castro prepárase para unha fin de semana de festa. Na tarde do vinceiro 30 de xuño comezará o XIII Camiño das Covas nesta localidade barquense. As entradas estarán á venda, ao prezo de 10 euros, o mesmo día da celebración.
O programa comezará coa apertura ás 19h. das sete covas que este ano participan no Camiño. En todas elas haberá viño, auga e pinchos de diferentes tipos. A partir das 23 horas, os asistentes poderán disfrutar do concerto de “Los Ínigos” na praza.
“Como todos os anos, haberá condicións especiais para os nenos, que pagarán 3 euros e terán dereito a auga e pinchos, e disporase de servizo de radio taxi”, segundo se adianta dende o Concello. Esta festa será organizada pola Agrupación de Adegueiros do Castro en colaboración co Concello do Barco.