CulturaCulturaEducaciónGalerías de fotosÚltima hora

Contacontos na escuridade e cunha luz especial na Biblioteca de Verín

Esta orixinal proposta levaba por título “A Eiruga larpeira” e tiña lugar na tarde do 10 de maio

Con dúas voluntarias moi especiais contaba a actividade infantil de manualidades e contacontos que se celebraba na tarde do 10 de maio na Biblioteca Municipal de Verín. Levaba por título “A Eiruga larpeira” e foi realizada por Ángela Quintana Rodríguez, profesora do CRA Monterrei, baseándose na obra homónima de Eric Carle, editorial Kókinos, “de xeito totalmente desinteresado xunto á directora do CRA Monterrei Teresa Santamaría, e os Voluntarios e Voluntarias da Biblioteca”, explican dende a biblioteca verinesa.

A particularidade deste contacontos é que foi realizado por completo baixo luz negra (lámpadas de radiación electromagnética ultravioleta) e isto permitiu que a protagonista do conto levase aos asistente ao seu mundo dun xeito máxico.

Por outra banda, a manualidade elaborada polos cativos era unha preciosa eiruga que se deslizaba sobre ela, “e coma remate pinábase con rotuladores e pinturas fluorescentes, baixo a mesma luz negra”, resaltan dende a Biblioteca de Verín.

Fotos: Biblioteca Municipal de Verín.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close