A XXIX Semana de Cine do Barco segue o seu transcurso. Rematará o vindeiro luns, día dous de setembro coas curtas premadas no festival “Valdeorras de cine”.
Hoxe, mércores 28 de agosto, proxectarase “Bikes” ás 17:00 horas, e “O secreto das abellas”, nas sesións das 20:30 horas e 22:45 horas. Así, mañá xoves, seguirase proxectando “Bikes”, e na sesión adulta, será o turno de “A portuguesa”.
Pola súa banda, o venres e o sábado proxectarase na sesión infantil o filme “A princesa prometida”. Así, na sesión adulta será o turno de “A biblioteca dos libros rexeitados”, o venres; mentres que o sábado proxectaranse as curtas “Bala”, “A cegas” e “Chámame Ana”, para rematar con “Buñuel no laberinto das tartarugas”.
“Dilili en París” pechará o ciclo infantil, con proxeccións o domingo e o luns. Así, “A favorita”, será o luns, día 1 de setembro, e finalmente, pecharase esta vixésimo novena edición da Semana de Cine coa proxección das curtas premiadas no festival valdeorrés.
