Publicidade
En portadaÚltima hora

Continúa activo o incendio do Navea

Xa arderon 164 hectáreas e decretábase a “Situación 2” como medida preventiva pola proximidade do núcleo do Seixo
As chamas do incendio do Navea, na noite do 14 de agosto. Foto: A.R.
As chamas do incendio do Navea, na noite do 14 de agosto. Foto: A.R.

Segue ardendo a zona trivesa do Navea. Neste lume decretábase a “Situación 2”, como medida preventiva, pola proximidade ao núcleo do Seixo, onde unha vivenda foi afectada polo lume, sen que se rexistraran danos persoais. Segundo informa Medio Rural, ás 16:32 horas do 15 de agosto ten sido desactivada a “Situación 2”.

Este lume comezaba na tarde de onte, 14 de agosto, ás 18:24 h. Durante os labores de extinción tiveron que ser evacuados dous operarios, un deles por inhalación de fume e outro por un golpe nun xeonllo a causa dun accidente mentres conducía unha motobomba. “Ambos foron inicialmente trasladados ao hospital de O Barco de Valdeorras e xa foron dados de alta”, segundo informa Medio Rural.

Asemade, dende este departamento autonómico aseguran que neste “lume complicáronse as tarefas de extinción por unha treboada con aparello eléctrico e bruscos cambios do vento, que obrigou a retirarse aos medios aéreos, sendo tamén moi difícil o trabalo en terra polo escarpado do terreo”.

Segundo as últimas estimacións de Medio Rural, este lume afecta a “unha superficie de arredor de 164 hectáreas. Nel levan traballado 2 técnicos, 9 axentes, 33 brigadas, 13 motobombas, 1 pa, 7 helicópteros e 2 avións. Tamén colaboran efectivos da Unidade Militar de Emerxencias (UME)”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close