Unha vintena de nenos entre 3 e 9 anos participaba nunha actividade de manualidades e contacontos o 21 de decembro
Entre manualidades e historias celebraban a chegada do Nadal na Biblioteca do Concello de Verín. Na tarde do 21 de decembro organizábase unha das últimas actividades deste ano: unha serie de manualidades e un contacontos que levaban por título “Contos de Nadal”.
Nela participaban unha vintena de nenos de 3 a 9 anos. Esta proposta, que remataba cunha chocolatada, estaba coordinada por nenos e nenas voluntarios, de entre 9 e 17 anos, así como por persoal da Biblioteca Pública Municipal de Verín.
Fotos: Biblioteca do Concello de Verín.
