Dende a entrada en vigor da novas restricións decretadas pola Xunta para concellos como O Barco de Valdeorras, (en nivel vermello de alerta polo número de positivos en Covid detectados nos últimos serte días) a poboación pregúntase como se controla o seu cumprimento.
Dende a Policía Local aseguran que fan o que poden pero resulta difícil, incidindo en que é un tema de todos e de implicación persoal. Mais na mañá deste sábado 10 de outubro membros da Policía Autonómica percorrían algunhas rúas e establecementos da vila barquense, controlando o cumprimento das normas (uso de mascarillas, distancia social, aforo,…).
Tal como adianta o alcalde do Barco, Alfredo García, os controis manteranse toda a fin de semana.
