Segundo as primeiras estimacións, o incendio leva queimada unha superficie dunhas 15 hectáreas na parroquia de Parada (Lobeira)
Na noite do 29 de setembro producíase ás 21:05h. un incendio forestal na parroquia de Parada (Lobeira), que afecta o Parque Natural do Xurés. Este lume comezaba en dous puntos e quedaba controlado esta mañá ás 08:51 h, tal e como informa a Consellería do Medio Rural.
Segundo as primeiras estimacións, o incendio afecta unha superficie dunhas 15 hectáreas. Na súa extinción traballan 1 técnico, 4 axentes, 18 brigadas, 7 motobombas e 1 pa.