EconomíaEconomíaÚltima hora

Convenio para a posta en marcha en Galicia do Plan Estatal de Vivenda

O documento era asinado o 5 de setembro en Santiago pola ministra de Fomento e polo presidente da Xunta
A ministra de Fomento e o presidente da Xunta, no Pazo de Raxoi.
A ministra de Fomento e o presidente da Xunta, no Pazo de Raxoi.

A ministra de Fomento, Ana Pastor, e o presidente da Xunta de Galicia, Alberto Núñez, asinaban na tarde do 5 de setembro o convenio para poñer en marcha en Galicia o Convenio para a execución do Plan Estatal de Fomento do aluguer de Vivendas, a rehabilitación edificatoria, e a rexeneración e renovación urbanas.

A través do convenio asinado, transferiranse dende o orzamento do Ministerio de Fomento á Comunidade Autónoma de Galicia 35 millóns de euros polas subvencións previstas no plan, ao que hai que engadirlle as
cantidades destinadas ás subsidicacións de préstamos de vivenda a residentes na comunidade e outras subvencións correspondentes ao periodo de transición entre os plans anteriores e o novo. Todo isto supón un investimento total por parte de Fomento de 128,3 millóns de euros, segundo informa o propio ministerio.

Ademais á inversión que destina Fomento a este plan (que inclúe axudas ao aluguer, á rehabilitación de vivendas e á subsidiación de préstamos hipotecarios), hai que sumarlle a aportación de Galicia.

O presidente da Xunta aseguraba no acto da sinatura que este proxecto está caracterizado polo seu compromiso e sensibilidade coa situación actual, así como pola súa orientación cara a un futuro racional e sustentable nesta materia, e coincide así cos grandes eixes da política de vivenda que vén desenvolvendo a Xunta. Tamén resaltou que o plan beneficiará a 20.000 persoas na comunidade ata 2016 e permitirá a Galicia continuar como referente nacional en rehabilitación.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close