EconomíaEconomíaÚltima hora

Convenio para apostar pola valorización do mel e polas súas potencialidades

A Universidade de Vigo, a Agrupación Apícola de Galicia, a IXP Mel de Galicia e Adercou veñen de asinar un acordo de colaboración

Acto da sinatura do convenio en Ourense.

A Facultade de Ciencias da Educación de Ourense acollía ás 10:30 deste luns 9 de marzo a sinatura dun convenio de colaboración entre a Universidade de Vigo, a Agrupación Apícola de Galicia, o Consello Regulador da Indicación Xeográfica Protexida (IXP) Mel de Galicia e a Asociación de Desenvolvemento Rural da Comarca de Ourense (Adercou). Este acordo representa “a aposta conxunta para traballar na valorización do mel e das súas potencialidades”.

O acto contaba coa presenza do director xeral da Asociación Galega de Desenvolvemento Rural (Agader), Miguel Pérez Dubois quen cualificou o mel de Galicia como “un dos manxares máis apreciados”, grazas ao traballo levado a cabo polos apicultores da comunidade que, ademais de caracterizarse polo “coidado exquisito das súas colmeas”, non renuncian “á innovación necesaria para competir e poder vivir” da súa actividade.

O director xeral da Agader rematou poñendo de relevo que o Grupo de Desenvolvemento Rural Adercou conseguise unir no convenio tanto o sector produtor e transformador do mel como a Universidade de Vigo xa que, engadiu, a aposta investigadora será “unha estupenda aliada na difusión dos resultados acadados”. Así mesmo, apuntou, “a Universidade terá unha nova oportunidade de demostrar a súa capacidade de estar ao lado da realidade rural e ser colaboradora necesaria no seu desenvolvemento”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close