Publicidade
ConcellosÚltima hora

As construcións rurais deixan de ter valor catastral cero

Xunta e Fegamp asinan un convenio para dar asesoramento tributario aos concellos e aplicar a nova normativa, que obriga aos propietarios a abonar o IBI
O conselleiro de Facenda, Valeriano Martínez, e o presidente da Fegamp, Alfredo García, durante a firma do convenio.
O conselleiro de Facenda, Valeriano Martínez, e o presidente da Fegamp, Alfredo García, durante a firma do convenio.

O conselleiro de Facenda, Valeriano Martínez, e o presidente da Federación Galega de Municipios e Provincias (Fegamp), Alferdo García, veñen de suscribir un acordo de colaboración para dar asesoramento aos concellos sobre as súas competencias en relación aos cambios de valoración catastral que está a realizar o Ministerio de Hacienda nas construcións rurais. Isto enmárcase no procedemento de regularización catastral e afecta especialmente aos inmobles de explotacións agrarias, gandeiras ou forestais, que deixan de ter valor catastral cero.

En concreto, a Xunta dotará aos concellos de máis información sobre as competencias normativas que poden utilizar neste eido, posto que son as entidades locais as que teñen a competencia sobre o Imposto de Bens Inmobles (IBI). E é que a actualización da normativa obrigará a que os propietarios das devanditas construcións rurais teñan que abonar este tributo.

Neste senso, Facenda -a través da Axencia Tributaria de Galicia (Atriga)- prestará este asesoramento en materia tributaria a aqueles concellos que así o soliciten de xeito voluntario. Asimesmo, o goberno autonómico avanza que tamén colaborará coas entidades locais para axudar e informar á cidadanía sobre este proceso de regularización.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close