Publicidade
SanidadeÚltima hora

Convócanse as becas de investigación ás que se destina o recaudado na Carreira contra o cancro de páncreas de Vilamartín

A presentación de candidaturas estará aberta do 10 de febreiro ao 31 de marzo deste ano

Imaxe da segunda edición da Carreira contra o Cancro de Páncreas en Vilamartín./ Foto: Carlos G. Hervella.

 

A Asociación Cancro de Páncreas (ACANPAN) e a Asociación Española de Pancreatoloxía (AESPANC) veñen de convocar, por quinto ano consecutivo, as Becas de Carmen Delgado / Miguel Pérez-Mateo para a investigación do cancro de páncreas.

“Este ano conseguimos chegar á cifra redonda de 200.000 € para becas, dos cales 195.000 € destinaranse á Beca Carmen Delgado/Miguel Pérez-Mateo, que se repartirán en dúas becas de 97.500 € á Investigación Básica e Clínica e 5.000 € que se destinan a outra beca de la AEG”, segundo informan na súa páxina web estas entidades.

A presentación de candidaturas estará aberta do 10 de febreiro ao 31 de marzo de 2020. A data de adxudicación das becas será o 16 maio de 2020.

 

 

Tamén lembran que estas becas son “o resultado do esforzo de moitos, grazas á Carreira das Cidades”, celebrada en diferentes puntos de España. Entre eles está Vilamartín de Valdeorras, localidade que acolle a única carreira e andaina organizada en Galicia, e que este ano tamén incluía unha proba de BTT. Tamén se celebraban carreiras en Murcia, Alicante, Madrid, Orihuela (Alicante) e Terrassa (Barcelona).

“Damos as grazas a todos os participantes, voluntarios, organizadores, patrocinadores da carreira pero tamén aos centos de particulares, organizacións e empresas que coas súas doazóns fan posible que cada ano poidamos incrementar os fondos para a investigación do cancro de páncreas”, din estas asociacións.

E lembran tamén que “só  con investigación poderemos mellorar as vías de diagnóstico e tratamento da mesma. Porque a investigación é esperanza de vida”.

As bases desta convocatoria poden consultarse en https://www.asociacioncancerdepancreas.org/beca-investigaci%C3%B3n/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close