EconomíaEconomíaOurensePizarraÚltima hora

Convócase a liña de axudas para reducir as emisións de po e de ruído no sector mineiro galego

A convocatoria está aberta ata o 8 de xullo e conta cun orzamento de 2,4 millóns de euros, segundo a Consellería de Economía
O sector mineiro da lousa é un dos que poderá acollerse a estas axudas./ Foto: Carlos G. Hervella.

A Xunta vén de publicar o 6 de xuño no Diario Oficial de Galicia (DOG) a nova liña de axudas impulsadas pola Consellería de Economía, Emprego e Industria “para mellorar as condicións ambientais e laborais do sector mineiro”.

A convocatoria, que está aberta ata o 8 de xullo para empresas privadas do sector, conta cun orzamento de 2,4M€ e será de concorrencia competitiva. “O obxectivo é favorecer a aplicación de tecnoloxías novidosas e implantar as mellores técnicas dispoñibles contra o po e o ruído, tendo en conta o seu influxo tanto no contorno como na saúde dos traballadores. Deste xeito, trátase de promover o desenvolvemento sustentable deste sector que constitúe un importante motor económico para as zonas de Galicia onde se leva a cabo esta actividade de importante impacto socioeconómico”, segundo Economía.

Os incentivos contarán con dous obxectivos. Por unha parte, dirixiranse a investimentos para a mellora da calidade do ambiente atmosférico mediante a redución de emisións de po e ruído. Neste caso, destinarase 1,2 millóns de euros, con axudas máximas de 300.000 euros.

Mentres que o segundo obxectivo está destinado a actuacións para a redución da exposición ao po e o ruído dos traballadores e, deste xeito, mellorar as súas condicións laborais, con axudas de ata un máximo de 200.000 euros. Resérvase, tamén, un orzamento de 1,2 millóns de euros.

A consellería destaca que, como novidade, “en ambas as dúas liñas, xunto cos criterios de valoración técnicos inclúense outros criterios baseados na responsabilidade social e territorial da entidade solicitante, ou a integración laboral de persoas con capacidades diversas. Con este programa de apoios, a Xunta volve demostrar o seu compromiso cunha minería segura e sustentable capaz de xerar valor e emprego na Comunidade”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close